ମଧ୍ୟପ୍ରାଚ୍ୟରେ ପ୍ରଳୟଙ୍କରୀ ଭୂମିକମ୍ପ

 ମଧ୍ୟପ୍ରାଚ୍ୟରେ ପ୍ରଳୟଙ୍କରୀ ଭୂମିକମ୍ପ

 ନିକୁଞ୍ଜ ବିହାରୀ ସାହୁ

              ଗତ 6 ତାରିଖ ସୋମବାର  ଭୋରୁ  ମଧ୍ୟ-ପ୍ରାଚ୍ୟ ଭୂଖଣ୍ଡ  ତୁର୍କୀ-ସିରିଆର ସୀମାନ୍ତବର୍ତ୍ତୀ ଅଞ୍ଚଳରେ ଏକ ବଡ ଧରଣର ପ୍ରଳୟଙ୍କରୀ ଭୂମିକମ୍ପ ଅନୁଭୂତ ହୋଇ ଯାଇଛି I ରିକ୍ଟର ସ୍କେଲରେ ଏହାର ତୀବ୍ରତା ଥିଲା 7.8 I ଏହାର 9 ଘଣ୍ଟା ପରେ 7.5 ତୀବ୍ରତାର ଆଉ ଏକ ବଡ ପରକମ୍ପନ (Aftershock)  ମଧ୍ୟ ନିକଟବର୍ତ୍ତୀ ଅଂଚଳରେ ଅନୁଭୂତ ହୋଇଥିଲା I ଏହି ବିନାଶକାରୀ ଭୂମିକମ୍ପରେ ଏପର୍ଯ୍ୟନ୍ତ 33,000 ରୁ ଉର୍ଦ୍ଧ୍ୱ ଲୋକଙ୍କ ମୃତ୍ୟୁ ଘଟିଥିଲାବେଳେ ମୃତ୍ୟୁସଂଖ୍ୟା 50,000 କୁ ଟପିଯାଇ ପାରେ ବୋଲି ଆଶଙ୍କା  ପ୍ରକାଶ କରାଯାଉଛି I  ଏହି ଭୂମିକମ୍ପର  ପ୍ରଭାବ ପଡୋଶୀ ରାଷ୍ଟ୍ର ଲେବାନନ ଓ ଇସ୍ରାଏଲ ଯାଏ ମଧ୍ୟ  ଦେଖିବାକୁ ମିଳିଥିଲା  I ଏହା ତୁର୍କୀରେ ବିଗତ  ଶହେ ବର୍ଷ ମଧ୍ୟରେ ଅନୁଭୂତ  ସବୁଠାରୁ ଶକ୍ତିଶାଳୀ ଭୂମିକମ୍ପ ଥିଲା I ଭୂମିକମ୍ପର ଉପକେନ୍ଦ୍ର (Epicentre) ଥିଲା ତୁର୍କୀର ଗାଜିଆଣ୍ଟେପ ପ୍ରଦେଶର ନୁରଡେଗି ସହରର ପୂର୍ବକୁ ପ୍ରାୟ 23 କି.ମି. ଦୂରବର୍ତ୍ତୀ ଇଲାକା I ଏହି ଭୂମିକମ୍ପର କେନ୍ଦ୍ର (Focus) ଭୁପୃଷ୍ଠର ପ୍ରାୟ 24.1 କି.ମି. ଗଭୀରତାରେ ଥିଲା I ଗତ 1939 ମସିହାରେ ତୁର୍କୀରେ ସମତୀବ୍ରତାର ଅନ୍ୟ ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଥିଲା ଯେଉଁଥିରେ ପ୍ରାୟ 30,000 ଲୋକ ପ୍ରାଣ ହରେଇଥିଲେ I ପୃଥିବୀରେ ଏଭଳି ଉଚ୍ଚ ତୀବ୍ରତାର ଭୂମିକମ୍ପ ଅତି ବିରଳ ଯାହା ବର୍ଷକୁ ସାଧାରଣତଃ ପାଞ୍ଚରୁ କମ ଥର   ସଂଘଟିତ ହୋଇଥାଏ I ତୁର୍କୀରେ ବିଗତ 25 ବର୍ଷ ମଧ୍ୟରେ 7 କିମ୍ବା ଅଧିକ ତୀବ୍ରତାର ସମୁଦାୟ ସାତୋଟି ଭୂମିକମ୍ପ ଅନୁଭୂତ ହୋଇ ସାରିଛି I

ରିକ୍ଟର ସ୍କେଲ୍ କ'ଣ?

      ଭୂମିକମ୍ପର ତୀବ୍ରତାକୁ ସାଧାରଣତଃ ରିକ୍ଟର୍ ସ୍କେଲ୍ ଏକକରେ ମପାଯାଏ I ଏହି ସ୍କେଲରେ 4 ଅଙ୍କରୁ  ଉର୍ଦ୍ଧ୍ୱ ଭୂମିକମ୍ପ  ସାଧାରଣତଃ ଧନଜୀବନ ପ୍ରତି ବିନଶକାରୀ ହୋଇଥାଏ I ଭୂମିକମ୍ପର ତୀବ୍ରତା  4 ରୁ 4.9 ଅଙ୍କ  ମଧ୍ୟରେ ରହିଲେ  ଘରର ଝରକାର କାଚ ଭାଙ୍ଗିଯାଇପାରେ ଏବଂ କାନ୍ଥରେ ଟଙ୍ଗା ଯାଇଥିବା ଫଟୋଫ୍ରେମ୍ ତଳେ ଖସି ପଡିପାରେ I  ଭୂମିକମ୍ପର ତୀବ୍ରତା  5 ରୁ 5.9 ଅଙ୍କ  ମଧ୍ୟରେ ରହିଲେ  ଘରର ଟେବୁଲ ଚଉକି ଭଳି  ଭାରି ଆସବାବପତ୍ର ହଲି ଯାଇପାରେ I ଭୂମିକମ୍ପର ତୀବ୍ରତା  6 ରୁ 6.9 ଅଙ୍କ  ମଧ୍ୟରେ ରହିଲେ  କୌଣସି ବହୁତଳୀୟ ଅଟ୍ଟାଳିକାର ଭିତ୍ତି ହଲି ଯାଇପାରେ ଏବଂ ଉପର ମହଲା ଘର ବିଶେଷ  କ୍ଷତିଗ୍ରସ୍ତ ହୋଇପାରେ I ଭୂମିକମ୍ପର ତୀବ୍ରତା  7 ରୁ 7.9 ଅଙ୍କ ମଧ୍ୟରେ ରହିଲେ  ବହୁତଳୀୟ ଅଟ୍ଟାଳିକା  ସମ୍ପୂର୍ଣ୍ଣ ଭୁଷୁଡି ପଡିପାରେ ଏବଂ ଭୂତଳ ପାଣି ପାଇପ୍‍ ଫାଟି ଯାଇପାରେ I ଭୂମିକମ୍ପର ତୀବ୍ରତା  8 ରୁ 8.9 ଅଙ୍କ ମଧ୍ୟରେ ରହିଲେ  ବଡ ବଡ ପୋଲ ମଧ୍ୟ ଭାଙ୍ଗିଯାଇପାରେ I ଭୂମିକମ୍ପର ତୀବ୍ରତା   9.0 ଅଙ୍କରୁ ଅଧିକ ହେଲେ ସମସ୍ତ ନିର୍ମାଣ ଧ୍ୱସ୍ତ ବିଧ୍ୱସ୍ତ ହୋଇଯାଏ I ଏଭଳି ପରିସ୍ଥିତିରେ କୌଣସି ଖୋଲା ସ୍ଥାନରେ ଛିଡା ହେଲେ ଭୂମିରେ ସମୁଦ୍ର ଭଳି ଲହଡିମାନ ତରଙ୍ଗାୟିତ ହେଉ ଥିବାର ଦେଖାଯାଏ ଏବଂ ସମୁଦ୍ରରେ ସୁନାମି ଭଳି ଉଚ୍ଚା ଉଚ୍ଚା ଲହଡିମାନ ସୄଷ୍ଟି ହୋଇ ସ୍ଥଳଭାଗରେ ପ୍ରଳୟ ରଚନା କରେ I

ବିଶ୍ୱର ପ୍ରଳୟଙ୍କରୀ ଭୂମିକମ୍ପ

                    ପୄଥିବୀରେ ପ୍ରତି ବର୍ଷ ପ୍ରାୟ 5 ଲକ୍ଷ ଭୂମିକମ୍ପ ଅନୁଭୂତ ହୋଇଥାଏ I  ଏଥି ମଧ୍ୟରୁ ଆମେ କେବଳ 1 ଲକ୍ଷ ଭୂମିକମ୍ପକୁ ଅନୁଭବ କରିପାରୁ I  ପ୍ରାୟ 100ଟି ଭୂମିକମ୍ପ  ବିନାଶକାରୀ ହୋଇଥାଏ I  ବିଶ୍ୱର ସବୁଠାରୁ ଶକ୍ତିଶାଳୀ ଭୂମିକମ୍ପ  1960 ମସିହାରେ ଚିଲିରେ ଅନୁଭୂତ ହୋଇଥିଲା I ରିକ୍ଟର ସ୍କେଲ୍ ରେ ଏହାର ତୀବ୍ରତା ଥିଲ 9.5 I ଏଥିରେ ପ୍ରାୟ  6000 ଲୋକଙ୍କ ପ୍ରାଣହାନୀ ଘଟିଥିଲା I ଆମ ଦେଶରେ ସବୁଠାରୁ ପ୍ରଳୟଙ୍କରୀ ଭୂମିକମ୍ପ 1934 ମସିହାରେ ବିହାର ରାଜ୍ୟରେ ଅନୁଭୂତ ହୋଇଥିଲା ଯେଉଁଥିରେ ପ୍ରାୟ 30, 000 ଲୋକ ମୄତ୍ୟୁମୁଖରେ ପଡିଥିଲେ I ରିକ୍ଟର ସ୍କେଲ୍ ରେ ଏହର ତୀବ୍ରତା ଥିଲ 8.1 I  ଗତ  1811 ମସିହାରେ ଉତ୍ତର ଆମେରିକାରେ ଏଭଳି ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଥିଲା ଯେ ଏହାର ପ୍ରଭାବରେ  ମିସିସିପି ନଦୀ ଓଲଟା ବହିବାକୁ ଲାଗିଥିଲା  I  ଭୂମିକମ୍ପ ପ୍ରଭାବରେ ସବୁଠାରୁ ବିପଜ୍ଜନକ  ହିମସ୍ଖଳନ 1970 ମସିହାରେ ପେରୁରେ ଦେଖା   ଯାଇଥିଲା ଯାହା ଘଣ୍ଟା ପ୍ରତି 400 କି.ମି.  ଭଳି ଦୂରନ୍ତ ବେଗରେ ଗତି କରିଥିଲା I ଭୂମିକମ୍ପ ପ୍ରଭାବରେ ସବୁଠାରୁ ଭୟଙ୍କର  ହିମସ୍ଖଳନ 1920 ମସିହାରେ ଚୀନ୍‍ ର କାଂସୁ ପ୍ରଦେଶରେ ଘଟିଥିଲା ଯେଉଁଥିରେ ପ୍ରାୟ 2 ଲକ୍ଷ ଲୋକଙ୍କ ମୄତ୍ୟୁ ଘଟିଥିଲା I ଗତ 2004 ମସିହା ଡିସେମ୍ବର 26 ତାରିଖରେ ଇଣ୍ଡୋନେସିଆ ନିକଟସ୍ଥ ସମୁଦ୍ରରେ ଘଟିଥିବା ଭୂମିକମ୍ପରେ ପ୍ରଳୟଙ୍କରୀ ସୁନାମୀର ଲହଡିମାନ ସୄଷ୍ଟି ହୋଇଥିଲା ଯେଉଁଥିରେ ପ୍ରାୟ 2.30 ଲକ୍ଷ ଲୋକଙ୍କ ମୄତ୍ୟୁ ଘଟିଥିଲା I ଏହି ଭୂମିକମ୍ପର ଝଟକା ସର୍ବାଧିକ 10 ମିନିଟ୍ ଧରି ଅନୁଭୂତ ହୋଇଥିଲା I

ଭୂମିକମ୍ପର କାରଣ:

    ଆମର ପୄଥିବୀପୄଷ୍ଠ ଅନେକ ସୁଦୄଢ ପ୍ଲେଟ୍ ଉପରେ ପର୍ଯ୍ୟବେସିତ ଯାହାକୁ ଟେକଟୋନିକ ପ୍ଲେଟ୍ କୁହଯାଏ I ଏହି ପ୍ଲେଟ୍ ଗୁଡିକ ସଦାସର୍ବଦା ଗତିଶୀଳ I ଅବଶ୍ୟ ଏହି ପ୍ଲେଟ୍ ଗୁଡିକର ଗତି ଅତି ସ୍ୱଳ୍ପ ଏବଂ ବର୍ଷକୁ ମାତ୍ର  4 ସେ.ମି. I ଏହି ଚଳନ ଯୋଗୁଁ  ବେଳେବେଳେ ପ୍ଲେଟ୍ ଗୁଡିକ ମଧ୍ୟରେ ସଂଘର୍ଷ ଘଟେ ଏବଂ ଗୋଟିଏ ପ୍ଲେଟ୍ ଅନ୍ୟ ପ୍ଲେଟ୍ ଉପରେ ପ୍ରଚଣ୍ଡ ପାର୍ଶ୍ୱଚାପ ପ୍ରୟୋଗ କରେ I ଏହି ଚାପ ଅତ୍ୟଧିକ ହେବାରୁ ଗୋଟିଏ ପ୍ଲେଟ୍ ଅନ୍ୟ ପ୍ଲେଟ୍ ଉପରେ  ଚଢିଯାଏ I ଏହି ଅଞ୍ଚଳରେ ହିଁ  ପୄଥିବୀପୄଷ୍ଠ ଦୋହଲି ଉଠି ଭୂମିକମ୍ପ ସୄଷ୍ଟି ହୁଏ I ସୁତରାଂ ପ୍ଲେଟ୍ ଗୁଡିକର ଦୁର୍ବଳ ପ୍ରାନ୍ତ ଭାଗ ଅତ୍ୟନ୍ତ ଭୂମିକମ୍ପ ପ୍ରବଣ ହୋଇଥାଏ I

   ଭୂମିକମ୍ପ ପ୍ରବଣ ତୁର୍କୀ 

 ମଧ୍ୟପ୍ରାଚ୍ୟର ତୁର୍କୀ- ସିରିଆ ଅଞ୍ଚଳ ଭୁତାତ୍ତ୍ୱିକ ଦୃଷ୍ଟିକୋଣରୁ ଏକ ସକ୍ରିୟ ଭୂଖଣ୍ଡ I ଏଠାରେ ତିନୋଟି ଟେକଟୋନିକ ପ୍ଲେଟ ଯଥା ଆନାଟୋଲିଆନ (Anatolian) ପ୍ଲେଟ, ଆରବୀୟ ପ୍ଲେଟ ଓ ଆଫ୍ରିକୀୟ ପ୍ଲେଟ ମିଳିତ ହୋଇଥାନ୍ତି I ଆରବୀୟ ପ୍ଲେଟ ଉତ୍ତର ଦିଗରେ ୟୁରୋପ ଆଡକୁ ଗତି କରୁଛି I ଫଳରେ ଆନାଟୋଲିଆନ ପ୍ଲେଟ ପଶ୍ଚିମ ଆଡକୁ କ୍ରମଶଃ ଠେଲିହୋଇ ଯାଉଛି I ପ୍ଲେଟମାନଙ୍କର ଏହି କ୍ରମାଗତ ଗତି ଯୋଗୁଁ ସେମାନଙ୍କ ମଧ୍ୟବର୍ତ୍ତୀ ସୀମାନ୍ତ ଅଂଚଳରେ ପ୍ରଚଣ୍ଡ ଚାପ ସୃଷ୍ଟି ହେଉଛି I ଫଳରେ ଗୋଟିଏ ପ୍ଲେଟ ଅଚାନକ ଅନ୍ୟ ପ୍ଲେଟ ଉପରେ ଚଢିଯାଇ ଚାପ ନିର୍ମୁକ୍ତ କରେ I ଏହାକୁ ହିଁ ଆମେ ଭୂମିକମ୍ପ କହିଥାଉ I ସାମ୍ପ୍ରତିକ ଭୂମିକମ୍ପଟି ଆନାଟୋଲିଆନ ପ୍ଲେଟ ଓ ଆରବୀୟ ପ୍ଲେଟ ଦ୍ବୟର ମଧ୍ୟବର୍ତ୍ତୀ ଦୁର୍ବଳ ଅଂଚଳରେ ସୃଷ୍ଟି ହୋଇଥିବାର ଅନୁମାନ କରାଯାଏ I 

          ବନ୍ୟା ବାତ୍ୟା ଭଳି ଭଳି ଭୂମିକମ୍ପର ପୂର୍ବାନୁମାନ ନିମନ୍ତେ ଏବେ ସୁଦ୍ଧା କୌଣସି ସଠିକ ଓ ନିର୍ଭରଯୋଗ୍ୟ  ପଦ୍ଧତି ବିକଶିତ ହୋଇପାରି ନାହିଁ I  ପ୍ରକୄତିର କେତେକ ଜୀବଜନ୍ତୁ ନିଜର ବିଚିତ୍ର ଆଚରଣ ଜରିଆରେ  ଭୂମିକମ୍ପର ପୂର୍ବସୂଚନା ଦେଇଥାନ୍ତି I ହାତୀମାନେ ନିଜର ବିଶାଳକାୟ କାନ ଦ୍ୱାରା ପୄଥିବୀ ଅଭ୍ୟନ୍ତରସ୍ଥ ପ୍ଲେଟ୍ ଗୁଡିକର ପରସ୍ପର ମଧ୍ୟରେ ଘଷି ହେବାର ସ୍ୱଳ୍ପ ତରଙ୍ଗଦୈର୍ଘ୍ୟ ବିଶିଷ୍ଟ ଧ୍ୱନି ଶୁଣିପାରନ୍ତି ବୋଲି ବିଶ୍ୱାସ କରାଯାଏ I  ଭୂମିକମ୍ପ ସହନଶୀଳ ଗୄହ ନିର୍ମାଣ, ତ୍ୱରାନିତ ସେବା ଓ ଉଦ୍ଧାରକାର୍ଯ୍ୟ   ଏବଂ ସତର୍କ ରହିବା ହିଁ ଭୂମିକମ୍ପ ମୁକାବିଲର ଏକମାତ୍ର ଫଳପ୍ରଦ ଉପାୟ I                                                                               

                                                                                                    

                                                                                                    ଏଜୁକେଶନ୍ ଅଫିସର

                                                                                                     ଆଞ୍ଚଳିକ ବିଜ୍ଞାନ କେନ୍ଦ୍ର

                                                                                             ଭୋପାଲ

                                                                                                ଫୋନ୍ : 8018708858

 




To read the same article published in the Sakala newspaper dated 14.02.23, please click the following link:https://www.sakalaepaper.com/news/36349/63eadb198539d

To read the same article published in the Dharitrila newspaper dated 13.03.23, please click the following link:https://tinyurl.com/Bhumi-kampa

Or



 

 


Comments

Post a Comment

Popular posts from this blog

LINK FOR QUIZ PREPARED FROM GOOGLE FORM PLATFORM

Image
                                                                ENGLISH QUIZ Pl click the link given below to access the Quiz of your choice prepared from the NCERT Science syllabus prepared on a Google Form platform. Attempt all the questions by clicking on the right option. Submit the completed form by clicking the 'Submit' button at the end of the Form. Get your Score and the Correct Answer by clicking the 'View score' button. Good Luck! CLASS -5 (D.A.V. School syllabus) 1. OUR SOLAR SYSTEM Link for the Quiz: https://forms.gle/XC13pRpMUvqy7T4SA 2. OBSERVING THE SKY Link for the Quiz: https://forms.gle/U9ZfJhQrhgNEfCr36 3. WATER Link for the Quiz: https://forms.gle/Wei5bEAkGSH8Qiz19 4. FUEL Link for the Quiz: https://forms.gle/y1Kos5Lq365nfqkXA 5. AIR Link for the Quiz: https://forms.gle/y87F32Z1acKaC8Gi9 6. FOREST Li...
Read more

ଦ୍ୱିତୀୟ ଭାରତୀୟ ମହାକାଶଚାରୀ :ଶୁଭାଂଶୁ ଶୁକ୍ଳା

Image
  ଦ୍ୱିତୀୟ ଭାରତୀୟ ମହାକାଶଚାରୀ : ଶୁଭାଂଶୁ ଶୁକ୍ଳା ନିକୁଞ୍ଜ   ବିହାରୀ ସାହୁ        ଗତ 25 ତାରିଖ : ଆମେରିକୀୟ     ଅନ୍ତରୀକ୍ଷ   ସଂସ୍ଥା ନାସାର କେନେଡି ଅନ୍ତରୀକ୍ଷ କେନ୍ଦ୍ରର କଣ୍ଟ୍ରୋଲ୍ ରୁମ୍ ରେ   ବିଳମ୍ବିତ ରାତ୍ରିର ଏକ ଭାରାକ୍ରାନ୍ତ ଓ ଉତ୍କଣ୍ଠାପୂର୍ଣ୍ଣ     ମୁହୂର୍ତ୍ତ I ବୈଜ୍ଞାନିକମାନେ ଏକ୍ସିଅମ୍ ମିଶନ୍ 4 ର ଉତକ୍ଷେପଣ ପାଇଁ ଉତ୍ସାହର ସହିତ ପ୍ରତୀକ୍ଷା କରିଥା ’ ନ୍ତି । ଇତି ମଧ୍ୟରେ ରକେଟ   ପ୍ରସ୍ତୁତିରେ ବିଳମ୍ବ , ପାଣିପାଗ ପରିସ୍ଥିତି , ରକେଟ୍‌ରେ ତରଳ ଅମ୍ଳଜାନ ଲିକ୍ ଏବଂ ଅନ୍ତରାଷ୍ଟ୍ରୀୟ ଅନ୍ତରୀକ୍ଷ କେନ୍ଦ୍ର ରେ ସେବା ମଡ୍ୟୁଲରେ ତ୍ରୁଟି ସମେତ ଅନେକ ସମସ୍ୟା ଯୋଗୁଁ ଏହି ଅଭିଯାନକୁ ପାଞ୍ଚ ପାଞ୍ଚ ଥର ବାତିଲ   କରାଯାଇ ସାରିଥାଏ । କାଉଣ୍ଟ ଡାଉନ୍ ଆରମ୍ଭ ହୋଇ ସାରିଥାଏ I ସବୁରି ମନରେ   ଗୋଟିଏ ପ୍ରଶ୍ନ ଉଙ୍କି ମାରୁଥାଏ : ଏଥର ଉତକ୍ଷେପଣ ସଫଳ ହେବ ତ ? ଇତି ମଧ୍ୟରେ   ପାଣିପାଗ ବିଭାଗ ପକ୍ଷରୁ ପ୍ରକ୍ଷେପଣ ସମୟରେ   ପାଗ ଅନୁକୂଳ ପ୍ରାୟ   : କାଉଣ୍ଟ ଡାଉନ୍ର ମନିଟରରେ ’00:00:00’ ସମୟ ବୋଲି ପ୍ରଦର୍ଶିତ ହେଲା I ସମସ୍ତଙ୍କର ନଜର ଥାଏ ଲଞ୍ଚ ପାଡ୍ ରେ ସଂଯୁକ୍ତ ଫାଲକନ୍ 9 ରକେଟ୍ ଉପରେ I ଅଚାନକ ଚତୁପାର୍ଶ୍ୱକୁ ବିପୁଳ ଧୂଆଁ ନିକ୍ଷେପ କରି...
Read more

ସୁନିତା ଉଇଲିୟମ୍ସ୍ ପୃଥିବୀ ଫେରିବେ କେବେ?

Image
                                                     ସୁନିତା ଉଇଲିୟମ୍ସ୍ ପୃଥିବୀ ଫେରିବେ କେବେ?   ନିକୁଞ୍ଜ ବିହାରୀ ସାହୁ              ଆମେରିକୀୟ କମ୍ପାନୀ ବୋଇଙ୍ଗ୍ ର   ‘ ଷ୍ଟାରଲାଇନର୍ ’ ଅନ୍ତରୀକ୍ଷ ଯାନରେ  ଇଣ୍ଟରନେସେନାଲ ସ୍ପେସ୍ ଷ୍ଟେସନ୍ ଯାତ୍ରା କରିଥିବା ଭାରତୀୟ ବଂଶୋଦ୍ଭବ ଆମେରିକୀୟ   ମହିଳା ମହାକାଶଚାରୀ  ସୁନିତା ଉଇଲିୟମସ୍ ତଥା ଅନ୍ୟ ଜଣେ ସହ - ମହାକାଶଯାତ୍ରୀ ବୁଚ୍ ୱିଲମୋରଙ୍କ  ପୄଥିବୀ ପ୍ରତ୍ୟାବର୍ତ୍ତନ ନେଇ ଘୋର ଅନିଶ୍ଚିତତା ପ୍ରକାଶ ପାଇଛି I   ସେମାନେ   ଗତ ଜୁବ୍ 5 ତାରିଖ   ରାତି 8 ଟା 22 ମିନିଟ ସମୟରେ ଆଟଲାସ୍ V ରକେଟ ଜରିଆରେ   ମହାକାଶକୁ ଯାତ୍ରାକରି ପୄଥିବୀକୁ ପ୍ରଦକ୍ଷିଣ କରୁଥିବା ସ୍ପେସ୍ ଷ୍ଟେସନ୍ ସହିତ ମିଳିତ ହୋଇଥିଲେ   I ତାଙ୍କର ଯାନ   ପର ଦିନ ଅର୍ଥାତ 6 ତାରିଖରେ   ସ୍ପେସ୍ ଷ୍ଟେସନ୍ ଠାରେ ରାତି 9 ଟା 45 ମିନିଟ ସ...
Read more